თინათინ ბერძენიშვილი „საზოგადოებრივი მაუწყებლის“ გენერალური დირექტორის თანამდებობაზე გამოცხადებული კონკურსის ერთადერთი კანდიდატია. სამეურვეო საბჭოს მიერ გამოცხადებულ ღია კონკურსში განაცხადების მიღება უკვე დასრულდა.
თინათინ ბერძენიშვილი საზმაუს დირექტორად 2020 წლის სექტემბერში 6 წლის ვადით აირჩიეს, მას გენერალური დირექტორის თანამდებობის დაკავება მეორე ვადითაც სურს.
გენ. დირექტორის თანამდებობაზე გამოცხადებულ ღია კონკურში კანდიდატებს მონაწილეობის მიღება 1 თვის განმავლობაში შეეძლოთ, ხოლო მათ მიერ წარმოდგენილი დოკუმენტაციის შესწავლისა და შერჩევის საფუძველზე, სამეურვეო საბჭო მეორე ტურში გადასულ კანდიდატებს გამოავლენდა.
ღია კონკურსი ორ ეტაპად ტარდებოდა. პირველი ეტაპი უკვე დასრულებულია, მეორე ეტპზე კანდიდატმა სსიპ „საზოგადოებრივი მაუწყებლის“ მართვის ხედვა უნდა წარადგინოს და გასაუბრების ეტაპი გაიაროს.
