ამერიკის შეერთებულ შტატებში ქარიშხალ „იდასგან“ გამოწვეულ წყალდიდობას სულ მცირე 45 ადამიანი ემსხვერპლა.
ნიუ-იორკსა და ნიუ-ჯერსიში, სადაც რეკორდული წვიმა მოვიდა, ათასობით ადამიანი ელექტროენერგიის გარეშე დარჩა. დაიტბორა ნიუ-იორკის მეტროც, საიდანაც მაშველებმა 800-ზე მეტი ადამიანის გამოყვანა შეძლეს.
პრეზიდენტმა ჯო ბაიდენმა ამ ქალაქებში საგანგებო მდგომარეობა გამოაცხადა, რათა სტიქიასთან საბრძოლველად ცენტრალური ბიუჯეტიდან გამოიყოს თანხა.
ამერიკის ჩრდილო-აღმოსავლეთ შტატებში მოქალაქეები ჰყვებიან, რომ ეს იყო ერთ-ერთი ყველაზე დიდი სტიქია, რაც უნახავთ. ნიუ-იორკის მერის, ბილ დე ბლაზიოს თქმით, ქალაქს თავს დაატყდა უპრეცედენტო სტიქია. ნიუ-იორკის ცენტრალურ პარკში რეკორდული რაოდენობის – 8 სანტიმეტრის სისქის ნალექი დაფიქსირდა.
Watch: The New York area was under a state of emergency on Thursday after the remnants of Hurricane Ida led to at least 14 deaths and disrupted subway service. Across the city, New Yorkers documented the scene as flood waters overwhelmed buses and subways. https://t.co/spVsdgF0XX pic.twitter.com/r2vg2aDRVg
— The New York Times (@nytimes) September 2, 2021
აშშ-ის პრეზიდენტის ჯო ბაიდენის განცხადებით, საჭიროა „ისტორიული ინვესტიცია“, რომ კლიმატის ცვლილების წინააღმდეგ ბრძოლა გააქტიურდეს. რადგან კლიმატის ცვლილებასთან ერთად, სტიქიაც სულ უფრო დამანგრეველი ხდება.
