შრომის ინსპექციის სამსახურის განცხადებით, მათ მიერ 2023 წელს უსაფრთხოების მიმართულებით ჩატარდა 3765 ინსპექტირება.
ნორმების დარღვევისთვის 2527 შემთხვევაში გამოყენებულ იქნა შემდეგი სანქცია:
- 1523 შემთხვევაში – გაფრთხილება;
- 361 შემთხვევაში – საქმიანობის შეჩერება;
- 643 შემთხვევაში – ჯარიმა.
- უწყების ცნობით, 2023 წლის განმავლობაში ჩატარებული ინსპექტირება 81 904 დასაქმებულ პირს შეეხო.
ამასთან, 2023 წელს განხორციელებული ინსპექტირება 50% აღემატება 2022 წლის მონაცემებს.
უწყებისვე ცნობით, პირველივე შემოწმებისას ობიექტების 51%-მა აღმოფხვრა გამოვლენილი დარღვევები.
შრომის ინსპექციის სამსახურის მანდატი ეხება ეკონომიკური საქმიანობის განმახორციელებელ ყველა ობიექტს, უწყება უფლებამოსილია დღე-ღამის ნებისმიერ მონაკვეთში ჩაატაროს ინსპექტირება წინასწარი გაფრთხილების გარეშე.
