როგორც მოძრაობა „სირცხვილიას“ წევრები აცხადებენ, პოლიციამ აქციის მონაწილეებს ჩამოართვა მანქანა, რომელითაც პარლამენტის წინ დაგეგმილ აქციაზე შეშა და სპეციალური ეკიპირება გადაჰქონდათ.
შსს-ში „პუბლიკას“ განუცხადეს, რომ ბარათაშვილის აღმართზე დააკავეს ერთი პირი ადმინისტრაციულ სამართალდარღვევათა კოდექსის 173-ე მუხლით, რაც პოლიციელის კანონიერი მოთხოვნისადმი დაუმორჩილებლობას გულისხმობს.
უწყებაში აცხადებენ, რომ მანქანა საჯარიმო სადგომზეა გადაყვანილი.
დღეს, რამდენიმე საათით ადრე იმავე მუხლით შსს-მ ორი პირი დააკავა, მანქანა კი საჯარიმო სადგურზე გადაიყვანა.
