შსს-მ ვანო მერაბიშვილზე შესაძლო ძალადობის საქმეზე გამოძიება დაიწყო

პუბლიკა

შსს-მ შინაგან საქმეთა ყოფილ მინისტრ, ვანო მერაბიშვილზე შესაძლო ძალადობის საქმეზე გამოძიება დაიწყო.

უწყებაში განმარტავენ, რომ საქმე აღიძრა მედიაში გავრცელებული ინფორმაციის საფუძველზე. გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.

„რუსთავი2-ის” მიერ გავრცელებული ინფორმაციით, ვაკეში მდებარე ერთ-ერთ აფთიაქში შინაგან საქმეთა ყოფილ მინისტრს ფიზიკურად გია გაჩეჩილაძის (უცნობი) სიძე, გიგიშა შარაშიძე გაუსწორდა. „რუსთავი 2-ს“ ინფორმაცია თავად შარაშიძემაც დაუდასტურა.

„დაპირისპირება მოხდა ჩემს და ვანო მერაბიშვილს შორის აფთიაქში. დაპირისპირებასაც ვერ დავარქმევ, რადგან პირველივე წამებიდან გაიქცა ვანო მერაბიშვილი. იქიდან გამომდინარე რომ საზოგადოების დიდი ინტერესია, მე ჩავთვალე თავი ვალდებულად. არც გამოძიებას ვემალები და არც პასუხისმგებლობას გავურბივარ. თუ საჭირო გახდა, დანარჩენზე პასუხს გავცემ სამართალდამცველ ორგანოებს. დანარჩენი, თუ ცოტა მაინც ვაჟკაცობა შერჩენია, თვითონ თქვას.” – თქვა გიგიშა შარაშიძემ რუსთავი 2-თან საუბრისას.