შსს-ს ინფორმაციით, სამინისტროს მიგრაციის დეპარტამენტმა კანონის საფუძველზე, აპრილ-მაისის თვეებში, სხვადასხვა ქვეყნის 42 მოქალაქის დაკავება და ქვეყნიდან გაძევება უზრუნველყო.
„დაკავებულ პირთა ნაწილმა საქართველო ნებაყოფლობით დატოვა, ნაწილი კი მიგრაციის დეპარტამენტის მიერ ჩატარებული ღონისძიებების შედეგად იძულების წესით იქნა გაძევებული საქართველოდან. „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის საფუძველზე ქვეყნიდან გაძევებულ იქნა ერაყის, ირანის, ალჟირის, პაკისტანის, სომხეთის, რუსეთის, იორდანიის, ეგვიპტის და სხვა ქვეყნების, ჯამში 42 მოქალაქე”, – აღნიშნულია განცხადებაში.
უწყების თქმით, გაძევებულ პირთა შორისაა საქართველოში შემოსული და „ქვეყანაში სამართლებრივი საფუძვლის გარეშე მყოფი აზერბაიჯანის რესპუბლიკის 8 არასრულწლოვანი მოქალაქე, რომლებიც ჩართული იყვნენ სხვადასხვა სახის ანტისაზოგადოებრივ საქმიანობაში”.
