შვილის მიმართ გარყვნილი ქმედებისთვის მამას 6 წლით პატიმრობა მიესაჯა - პროკურატურა

პუბლიკა

თეთრიწყაროს რაიონულმა სასამართლომ  არასრულწლოვან შვილთან გარყვნილი ქმედებისთვის ბრალდებული დამნაშავედ ცნო და 6 წლით თავისუფლების აღკვეთა მიუსაჯა.

როგორც პროკურატურის განცხადებაშია ნათქვამი, სასამართლოში წარდგენილი მტკიცებულებებით დადასტურდა, რომ 2019 წლის 27 მაისს ს.ფ.-მ 16 წელს მიუღწეველ შვილთან გარყვნილი ქმედება ჩაიდინა.

სამართალდამცველებმა ს.ფ. 2019 წლის 31 მაისს დააკავეს. მას ბრალდება საქართველოს სისხლის სამართლის კოდექსის 11′ 141-ე მუხლის პირველი ნაწილით (ოჯახის ერთი წევრის მიერ ოჯახის სხვა წევრის მიმართ ძალადობის გარეშე სრულწლოვნის გარყვნილი ქმედება დამნაშავისათვის წინასწარი შეცნობით თექვსმეტი წლის ასაკს მიუღწეველთან) წარედგინა და აღკვეთის ღონისძიების სახით პატიმრობა შეეფარდა.

 

LB loan image desktop LB loan image mobile