თბილისის ათივე საარჩევნო ოლქის 10 სპეციალური უბნის წინასწარი მონაცემებით, „ქართული ოცნების“ მერობის კანდიდატმა კახა კალაძემ 874 ხმა მიიღო, „ნაციონალური მოძრაობის“ კანდიდატმა ნიკა მელიამ კი – 373.
ოქმების მიხედვით სპეცუბნების შედეგები „პუბლიკამ“ დააჯამა და მიღებული ხმები პროცენტულად ასე გადანაწილდა:
კახა კალაძე – 70%;
ნიკა მელია – 30%.
ცესკოს მონაცემებით, ამ დროისთვის თბილისში დათვლილია უბნების 94%, შედეგები კი ასე ნაწილდება:
კახა კალაძე – 55,53%;
ნიკა მელია – 44,47%.
საარჩევნო ადმინისტრაციის ინფორმაციით, სამკურნალო დაწესებულებებსა და იზოლაციაში მყოფ ამომრჩეველებს 29 სპეციალური უბანი ემსახურებოდა.
