თურქეთში სამხედრო ვერტმფრენის ჩამოვარდნის შედეგად გარდაიცვალა 11 ადამიანი, დაშავდა – 2 – ინფორმაციას თურქეთის თავდაცვის სამინისტრო ავრცელებს.
ავიაკატასტროფა ქალაქ თათვანთან ახლოს მოხდა. ოფიციალური ინფორმაციით, 9 სამხედრო ადგილზე დაიღუპა, 2 კი საავადმყოფოში გადაყვანის შემდეგ.
როგორც Aljazeera იუწყება, თავდაცვის მინისტრმა ავიაკატასტროფას უბედური შემთხვევა უწოდა, თუმცა დეტალებზე არ უსაუბრია.
