კორონავირუსით ინფიცირების შემთხვევებიდან, სადაც უცნობი იყო წყარო, უმეტესობა მათგანში წყარო გარკვეულია. ამჟამად კვლევა ერთი-ორ შემთხვევაზე მიმდინარეობს. ამის შესახებ „პუბლიკას” დაავადებათა კონტროლის ცენტრის წარმომადგენელმა, ანა კასრაძემ განუცხადა.
„უმეტესობა შემთხვევები გარკვეულია, ერთი-ორი შემთხვევის წყაროს დადგენაზე მიმდინარეობს კვლევა”, – ამბობს კასრაძე.
8 ივნისიდან კონკრეტულად რამდენ შემთხვევაზე იყო უცნობი წყარო, ამ კითხვაზე ცენტრში კონკრეტულად ვერ გვპასუხობენ, ვინაიდან, მათი თქმით, მონაცემები ყოველდღიურად იცვლება.
stopcov.ge-ზე დღეს დილით განახლებული მონაცემები ასეთია:
– კორონავირუსის დადასტურებული შემთხვევა – 914;
– მათ შორის გამოჯანმრთელებული – 771;
– გარდაცვლილი – 14;
– კარანტინის რეჟიმში – 2 744;
– სტაციონარში მეთვალყურეობის ქვეშ – 258;
– *უცხოეთიდან სამკურნალოდ გადმოყვანილი საქართველოს მოქალაქეები – 3;
