ვაკის პარკის საქმეზე დააკავებულ 9 პირს შორის, ლაშა ფურცხვანიძე და მერიის სამსახურის უფროსის მოადგილე არიან

პუბლიკა

13 ოქტომბერს ვაკის პარკის მომხდარ ტრაგედიასთან დაკავშირებით შსს-მ 9 პირი დააკავა.

„გრინსერვის პლუსის“ ხელმძღვანელი ლაშა ფურცხვანიძე;

თბილისის მერიის გარემოს დაცვის სამსახურის უფროსის მოადგილე გიორგი ვახტანგიშვილი;

„გრინსერვის პლუსის“ ქვეკონტრაქტორი ფირმის – შპს „ნიუ მეტალ დიზაინის“ წარმომადგენლი ლ.ჭ.;

კერძო ელექტროშემდუღებლები გ.გ. და ვ.გ.;

მათ მიერ შესრულებულ სამუშაოზე ზედამხედველი შპს „გრინსერვის +“-ის სამუშაოთა მწარმოებელი – ბ. მ.;

შპს ,,მშენექსპერტის“ დირექტორი – ნუგზარ ქიტიაშვილი და ინსპექტორი – დათო თუშიშვილი.

შპს ,,გრინსერვის +“-ის თანამშრომელი დ. კ

„სისხლის სამართლის კოდექსის 342-ე მუხლის მე-2 ნაწილით, რაც გულისხმობს სამსახურებრივ გულგრილობას, რამაც ადამიანის სიცოცხლის მოსპობა გამოიწვია, დაკავებულია თბილისის მერიის გარემოს დაცვის საქალაქო სამსახურის უფროსის მოადგილე – გ.ვ.

220-ე პრიმა მუხლის მე-2 ნაწილით და 362-ე მუხლის 1-ლი ნაწილით, რაც გულისხმობს გულგრილობას, რამაც ადამიანის სიცოცხლის მოსპობა გამოიწვია და ყალბი ოფიციალური დოკუმენტის გამოყენებას, დაკავებულია შპს „გრინსერვის+“-ის დირექტორი ლაშა ფურცხვანიძე.

220-ე პრიმა მუხლის მე-2 ნაწილით, რაც გულისხმობს გულგრილობას, რამაც ადამიანის სიცოცხლის მოსპობა გამოიწვია, დაკავებულია შპს „გრინსერვის+“-ის საქმის მწარმოებელი – ბ.მ. და შპს „ნიუ მეტალ დიზაინის“ წარმომადგენელი – ლ.ჭ.

25-362-ე მუხლის 1-ლი ნაწილით, რაც ყალბი ოფიციალური დოკუმენტის დამზადებაში წაქეზებას გულისხმობს, დაკავებულ იქნა „გრინსერვის +“-ის თანამშრომელი – დ.კ.

362-ე მუხლის 1-ლი ნაწილით, რაც გულისხმობს ყალბი ოფიციალური დოკუმენტის დამზადება-გასაღებას, დაკავებული არიან შპს ,,მშენექსპერტის“ დირექტორი – ნ.ქ. და ამავე კომპანიის ინსპექტორი – დ.თ.

240-ე მუხლის მე-2 ნაწილით, რაც გულისხმობს სამუშაოს წარმოებისას უსაფრთხოების წესის დარღვევას, რამაც ადამიანის სიცოცხლის მოსპობა გამოიწვია, დაკავებულია 2 კერძო ელექტროშემდუღებელი – გ.გ. და ვ. გ“, – ნათქვამია შსს-ს განცხადებაში.