თბილისის დროით 13:17 საათზე საქართველოს დედაქალაქში რუსული „აზიმუტი” დაჯდა. ეკიპაჟის წევრების ინფორმაციით, ბორტზე 86 მგზავრი იმყოფებოდა, მათ შორის იყვნენ „დელეგაციის” წევრები, „ვისმა დაძაბულმა დიპლომატიურმა შრომამ ნაყოფი გამოიღო”.
დელეგაციაში შედიან:
- მერაბ ჭიქაშვილი – „სოლიდარობა მშვიდობისთვის” თავმჯდომარე;
- დიმიტრი ლორთქიფანიძე – პრიმაკოვის სახელობის ქართულ-რუსული საზოგადოებრივი ცენტრის დირექტორი;
- მიხეილ ჟღენტი – „სოლიდარობა მშვიდობისთვის” წევრი;
- თემურ ფიფია – „საქართველოს სოციალისტური მოძრაობის” წევრი;
- ვალერი კვარაცხელია – „ქართულ-რუსული მეგობრობის ცენტრის” ხელმძღვანელი;
- თემურ მაისურაძე – აღმოსავლეთ ევროპის უნივერსიტეტისა და საქართველოს ტექნიკური უნივერსიტეტის პროფესორი;
- მამუკა ფიფია – ბიზნესმენი;
სიას რუსული სამთავრობო მედია РИА Новости ავრცელებს. წევრთა ვინაობა „პუბლიკასთან” დიმიტრი ლორთქიფანიძემაც დაადასტურა.
