ვიწყებთ საერთაშორისო არენაზე მთავრობის წევრთა და მოსამართლეთა დასანქცირებაზე მუშაობას - ნათელაშვილი

პუბლიკა

„დღეიდან „ლეიბორისტულ პარტიაში“ იქმნება სპეციალური სამუშაო ჯგუფი და ვიწყებთ საერთაშორისო არენაზე საპარლამენტო უმრავლესობის წევრთა, მთავრობის წევრთა და სასამართლოს ყველა მოსამართლის,  340 მოსამართლის, პლუს საკონსტიტუციო სასამართლოს წევრთა დასანქცირებაზე მუშაობას“, – ამის შესახებ „ლეიბორისტული პარტიის“ ლიდერმა, შალვა ნათელაშვილმა დღევანდელ ბრიფინგზე განაცხადა.

„დასანქცირება გულისხმობს იმას, რომ მათ გაეყინებათ შიდა და საერთაშორისო ანგარიშები, ჩამოერთმევათ ქონება, რომელიც შეიძინეს საზღვარგარეთის „ფეშენ“ ადგილებში და ასევე „გამოძუვდებიან“ კარგად მოწყობილი მათი ოჯახის წევრები უცხოეთის პრესტიჟული დაწესებულებებიდან და ქალაქებიდან..

ჩვენ ყველაფერს გავაკეთებთ, რომ სანქციების პროცესი არ შეეხოს ქართველ ხალხს, არ მოაკლდეს ისედაც რეჟიმისაგან გამწარებულ ხალხს არცერთი ცენტი იმ დახმარებისგან, რომელსაც ჩვენ უხვად ვიღებთ საერთაშორისო და ივანიშვილის მიერ დაგმობილი ცენტრებიდან, ჩვენი მეგობრებიდან და პარტნიორებიდან“, – განაცხადა ნათელაშვილმა.

LB loan image desktop LB loan image mobile