გაეროს ატომური ენერგიის საერთაშორისო სააგენტოს (IAEA) ექსპერტთა ჯგუფი ზაპოროჟიეს ატომური ელექტროსადგურში არსებული მდგომარეობის შესასწავლად დღეს „ნაცრისფერ ზონაში“ გადავიდა.
Interfax-Ukraine-ის კორესპონდენტის ცნობით, მისიის გავლისას რუსების მხრიდან ცეცხლსასროლი იარაღიდან სროლა ისმოდა.
მანამდე, რამდენიმე საათის განმავლობაში, მისია ნოვოალექსანდრივკას საგუშაგოზე, ფრონტის ხაზიდან დაახლოებით 20 კილომეტრში იდგა და ელოდა უშიშროების სამსახურის ნებართვას გზის გასაგრძელებლად.
1 სექტემბერს, დილით, ატომური ენერგიის საერთაშორისო სააგენტოს მისია ზაპოროჟიეში გაემგზავრა, რომელიც ოკუპირებულია რუსეთის მიერ.
უკრაინული ბირთვული ენერგიის ოპერატორის Energoatom-ის განცხადებით, ენერჰოდარის დაბომბვის შედეგად დღეს ზაპორიჟიის ატომური ელექტროსადგურის მეხუთე რეაქტორი გამოირთო და ამუშავდა საგანგებო უსაფრთხოების სისტემა. ასევე დაზიანებულია ელექტროგადამცემი ხაზი დამხმარე საჭიროებებისთვის.
