„არ არსებობს სიტყვები, რომლითაც გამოვხატავ ჩემს შოკსა და მწუხარებას უბედურ შემთხვევაზე, რომელმაც ცოლის, დედის და ჩვენი კოლეგის ჰალინა ჰატჩინსის სიცოცხლე შეიწირა. პოლიციასთან სრულად ვთანამშრომლობ“, – ასე გამოეხმაურა მსახიობი ალეკ ბოლდუინი გადასაღებ მოედანზე დღეს დილით მომხდარ უბედურ შემთხვევას Twitter-ში.
დღეს დილით ცნობილი გახდა, რომ ალეკ ბოდუინმა ფილმის გადასაღებ მოედანზე სარეკვიზიტო იარაღიდან გაისროლა, რის შედეგადაც ოპერატორი ჰალინა ჰატჩინსი დაიღუპა, რეჟისორი ჯოელ სოუსა კი დაიჭრა.
„ჰალინას ქმართან მაქვს კონტაქტი, მე და ჩემი ოჯახი გვერდში ვუდგავართ“, – წერს მსახიობი.
შემთხვევა ვესტერნის ჟანრის ფილმის „Rust-ის“ გადასაღებ მოედანზე, ნიუ მექსიკოში, ქალაქ სანტა-ფეში მოხდა.
