პარლამენტმა 114 ხმით მხარი დაუჭირა საკონსტიტუციო კომისიის შექმნას, რომელიც მმართველი პარტიისა და სხვადასხვა ფრაქციის წარმომადგენლებით დაკომპლექტდა. კენჭისყრაში მონაწილეობდნენ ოპოზიციონერი დეპუტატებიც.
კომისია 9 წევრისგან შედგება:
- არჩილ თალაკვაძე – პარლამენტის თავმდჯომარე, საკონსტიტუციო კომისიის თავმჯდომარე
- მამუკა მდინარაძე – ფრაქცია „ქართული ოცნება“, პარლამენტის თავმჯდომარის მოადგილე
- ირაკლი კობახიძე – ფრაქცია „ქართული ოცნება“
- მარიამ ჯაში – ფრაქცია „დამოუკიდებელი დეპუტატები“
- თინა ბოკუჩავა – ფრაქცია „ერთიანი ნაციონალური მოძრაობა”
- სერგი კაპანაძე – ფრაქცია „ევროპული საქართველო – რეგიონები“, პარლამენტის თავმჯდომარის მოადგილე
- ირმა ინაშვილი – ფრაქცია „პატრიოტთა ალიანსი და სოციალ-დემოკრატები”- პარლამენტის თავმჯდომარის მოადგილე
- თენგიზ შარმანაშვილი – პარლამენტის თავმჯდომარის მრჩეველი
- თორნიკე ჭეიშვილი – პარლამენტის თავმჯდომარის მრჩეველი
კორონავირუსთან დაკავშირებული მდგომარეობის გამო, განიხილება საერთო-სახალხო განხილვის განსხვავებულ ფორმატში ჩატარება, მათ შორის, დისტანციური ფორმატიც. სწორედ საკონსტიტუციო კომისიამ უნდა მიიღოს გადაწყვეტილება, როგორ წარიმართება რეგლამენტით გათვალისწინებული პროცესები შეუფერხებლად.
კონსტიტუციაში შესატანი ცვლილებების შესახებ საერთო-სახალხო განხილვა, საპარლამენტო უმრავლესობის ლიდერის განმარტებით, მინიმუმ, ორ რეგიონში მაინც უნდა გაიმართოს. პარლამენტში შეიქმნა საკონსტიტუციო კომისია, რომელიც საქართველოს მოსახლეობას კონსტიტუციაში შესატანი ცვლილებების შესახებ მიაწვდის ინფორმაციას.
