კორონავირუსით ინფიცირების რაოდენობა 800 გახდა, აქედან გამოჯანმრთელებულია 640 ადამიანი. ბოლო 24 საათში ქვეყანაში 4 ახალი შემთხვევა დაფიქსირდა.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ერთი შემთხვევა უკავშირდება, ე.წ. საბურთალოს კლასტერს, დანარჩელი 3 ინფიცირებული ტრაილერის მძღოლია. გამყრელიძის თქმით, ისინი საქართველოს მოქალაქეები არ არიან.
გუშინ კორონავირუსის შედეგად გარდაიცვალა ასევე 1 პაციენტი.
ამ ეტაპზე მონაცემები ასე გამოიყურება:
– კორონავირუსის დადასტურებული შემთხვევა – 800;
– აქედან გამოჯანმრთელებული – 640;
– გარდაცვლილი – 13;
– კარანტინის რეჟიმში – 2 424;
– სტაციონარში მეთვალყურეობის ქვეშ – 304;
– უცხოეთიდან სამკურნალოდ გადმოყვანილი საქართველოს მოქალაქეები – 3.
