ნარკოდანაშაულის ბრალდებით დაკავებულ ბერს გიგა ქავთარაძეს საპროცესო შეთანხმება გაუფორმდა, – ამის შესახებ „პუბლიკას” მისმა ადვოკატმა განუცხადა.
რაც შეეხება საპროცესო შეთანხმების პირობებს, ადვოკატის თქმით:
„რამდენჯერმე მივმართეთ პროკურატურას და საბოლოოდ მოგვცეს თანხმობა. შევთანხმით 5 წელი საპატიმრო სასჯელი, 3 წელი პირობითი, 5 000 ლარი ჯარიმა”, – ამბობს ის.
ზუგდიდის პოლიციის სამმართველოს თანამშრომლებმა ათონის მთაზე მოღვაწე ბერი გ. ქ. დეკემბერში დააკავეს.
როგორც „პუბლიკასთან” საუბრისას მისი ადვოკატი ჯიტა გულუა აცხადებდა, მისი დაცვის ქვეშ მყოფს 14.5 გრამი მეტადონის შეძენა-შენახვა ედება ბრალად. ბერი გიგა ქავთარაძე ბრალს აღიარებდა.
