პრემიერმა მოგვცა დავალება და პოლიცია საგანგებო რეჟიმში განაგრძობს უსაფრთხოების დაცვას - სირაძე

პუბლიკა

მთავრობის ადმინისტრაციაში კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომა გაიმართა.  სხდომას საპატრულო პოლიციის ხელმძღვანელი ვაჟა სირაძე ესწრებოდა.  ამის შესახებ ინფორმაციას მთავრობის ადმინისტრაცია ავრცელებს.

„შეხვედრა გვქონდა საქართველოს პრემიერ-მინისტრთან, საქართველოში გამოცხადებულ საგანგებო მდგომარეობასთან დაკავშირებით დაწესებულ შეზღუდვებზე. მოგვეცა დავალება და საპატრულო პოლიცია განაგრძობს საგანგებო რეჟიმში 24-საათიან მონიტორინგს, საზოგადოებრივი წესრიგისა და უსაფრთხოების დაცვას“, – განაცხადა ვაჟა სირაძემ.

მისივე თქმით, გრძელდება მკაცრი კონტროლი სასაზღვრო გამშვებ პუნქტებზეც.