საქართველოს პრეზიდენტი სალომე ზურაბიშვილი აშშ-ის პრეზიდენტ ჯო ბაიდენის მრჩეველს ეროვნული უსაფრთხოების საკითხებში, ჯეიკ სალივანს შეხვდა. სალომე ზურაბიშვილი აშშ-ში სამუშაო ვიზიტის ფარგლებში იმყოფება.
„საქართველო მადლიერია ამერიკის შეერთებული შტატების მხარდაჭერისათვის, და მისი ერთგულებისათვის დემოკრატიული ღირებულებებისა და ევროინტეგრაციის მიმართულებით”, – დაწერა შეხვედრის შემდეგ სალომე ზურაბიშვილმა Twitter-ზე.
თეთრი სახლის ცნობით, შეხვედრაზე სალომე ზურაბიშვილმა და ჯეიკ სალივანმა განიხილეს საქართველოში ბოლო დროს განვითარებული მოვლენები. მათივე ინფორმაციით, შეხვედრაზე ხაზი გაესვა საქართველოს ევროატლანტიკური ინტეგრაციის მიმართ ქვეყნების საერთო ინტერესს.
🇬🇪Thankful for the 🇺🇸 support to the Georgian people, and its commitment to democratic values and 🇪🇺 integration
🤝 @jakejsullivan pic.twitter.com/ZQIDmAbr8F
— Salome Zourabichvili (@Zourabichvili_S) March 10, 2023
