“მე გადმოვსახლდები წალენჯიხაში და უახლოეს ხანში ვიყიდი ბინას, დავუდგები წალენჯიხის ახალარჩეულ მერს გვერდით და მთელ ჩემს გამოცდილებას მოვახმარ იმას, რომ წალენჯიხა ვაქციოთ ოაზისად, – ამის შესახებ „ლელოს“ ლიდერმა, მამუკა ხაზარაძემ ზუგდიდში აქციაზე სიტყვით გამოსვლისას განაცხადა.
მამუკა ხაზარაძემ სიტყვით გამოსვლისას ანაკლიის პორტის მნიშვნელობაზეც ისაუბრა და ბიზნესმენებს მოუწოდა კომპანიების ანგარიშები გადაიტანონ წალენჯიხაში.
“მოვუწოდებ ყველა ბიზნესმენს, გადმოიტანეთ თქვენი კომპანიების ანგარიშები და დატოვეთ თქვენი მოგება წალენჯიხაში. ჩვენ ვაჩვენებთ, როგორ უნდა ნამდვილი დემოკრატია, ვაჩვენებთ, როგორ იმართება თვითმმართველობა, როგორ უნდა გადაწყვიტოს ადამიანმა თავის სოფელში, ქალაქში როგორ იცხოვროს და არა იმან, რომელიც კაბინებში შედის და იქიდან გვეუბნება, როგორ უნდა ვიცხოვროთ. ეს დრო დამთავრდა საქართველოში და ამის მაგალითი არის წალენჯიხა“, – განაცხადა მამუკა ხაზარაძემ.
