ოპოზიციურმა პარტიებმა და პოლიტიკოსებმა, მათ შორის ექსპრეზიდენტმა გიორგი მარგველაშვილმა, ერთობლივი განცხადება გაავრცელეს და გლდანში დაკავებული ოპოზიციონერი პოლიტიკოსების, ნიკა მელიას, ბაჩო დოლიძისა და ზვიად კუპრავას გათავისუფლება მოითხოვეს.
განცხადებაში ოპოზიციონერები აღნიშნავენ, რომ ენმ-ს საკრებულოს წევრზე თავდასხმაში ჩართულნი იყვნენ სახელმწიფო და კრიმინალური სამყაროს წარმომადგენლები.
მათი თქმით, ხელისუფლება აძლიერებს ქვეყანაში რუსულ პროპაგანდას და მთავრობა ევროკავშირის წევრობის კანდიდატის სტატუსთან დაკავშირებული გადაწყვეტილების მოლოდინის პარალელურად, აგრძელებს ევროპული ინტეგრაციის საბოტაჟს და ყოველდღიურად ამტკიცებს, რომ ხელისუფლებას სურს ძალაუფლება ავტორიტარიზმით, ოლიგარქიითა და რუსული კლეპტოკრატიით შეინარჩუნოს.
„ამერიკის შეერთებული შტატების მიერ ფარცხალაძის დასანქცირებამ და ამის შემდგომ ხელისუფლების მიერ გადადგმულმა ნაბიჯებმა კიდევ ერთხელ დაადასტურა რომ ივანიშვილის კოლაბორაციონისტული ხელისუფლება მიზანმიმართულად ცდილობს შეაჩეროს ქვეყნის ევროპულ ოჯახში, მის ისტორიული ადგილის დამკვიდრება.
ამის კიდევ ერთი დასტურია ნიკა მელიას დაკავება. მაშინ, როდესაც პოლიციას სათანადო საგამოძიებო მოქმედებები არ ჩაუტარებია ოპოზიციონერ დეპუტატ ირაკლი ეძგვერაძის მიმართ ძალადობაში მხილებული პირების წინააღმდეგ – დააკავეს ოპოზიციონერი ლიდერი.ხელისუფლება მესამედ იყენებს ნიკა მელიას წინააღმდეგ პოლიტიკურად მოტივირებულ მართლმსაჯულებას. აღიძრა სისხლის სამართლის საქმე, მაშინ როდესაც რუსეთის ჯაშუშ, ბოტასების ქურდ, დადასტურებულად კრიმინალ, ბოროტმოქმედ და ტერორისტ სახელმწიფოსთან თანამშრომლობაში მყოფ ფარცხალაძეს ყველა სახელმწიფო ინსტიტუტი ეფარება, რითიც აგრძელებს ევროატლანტიკური კურსის საბოტირებას.
ხელისფულების მცდელობა, დააშინოს და დაიჭიროს პოლიტიკური ოპონენტები, ვერ მოიტანს მათთვის სასურველ შედეგს, იმიტომ რომ მიუხედავად კონკრეტულ საკითხებთან მიმართებაში აზრთა სხვადასხვაობისა, მიუხედავად იმისა, რომ ბევრი ჩვენთაგანი ვერ თანხმდება წარსულზე და ვერ თანხმდება აწმყოზე, ვთანხმდებით საქართველოს ევროპულ მომავალზე, ამ თანხმობით კი ავსახავთ ხალხის აბსოლუტური უმრავლესობის აზრს.
ჩვენ, ქართული პროდასავლური ოპოზიციური პოლიტიკური ჯგუფების წარმომადგენლები, მიუხედავად პოლიტიკური გემოვნებისა და პარტიული კუთვნილებისა, ყველა, ვისაც გვაერთიანებს ევროპაში ინტეგრაციის სურვილი, გვაერთიანებს საქართველოს ისტორიით ნაკარნახევი ევროპული მომავალი, მოვითხოვთ ნიკა მელიას და მასთან ერთად დაკავებული ბაჩო დოლიძისა და ზვიად კუპრავას გათავისუფლებას”, – ნათქვამია განცხადებაში.
ხელისმოწერი პოლიტიკურ პარტიები:
„გირჩი – დროა“
„ლელო“
„საქართველოს ლეიბორისტული პარტია“
„ერთიანი ნაციონალური მოძრაობა“
„სტრატეგია აღმაშენებელი“ – გიორგი ვაშაძე
„სამართლიანობისთვის“ – ეკა ბესელია
„მოძრაობა სახელმწიფო ხალხისთვის“
„ევროპული საქართველო“ – გიგა ბოკერია
„პროგრესი და თავისუფლება“ – კახა ოქრიაშვილი
„ტრიბუნა“- დავით ჭიჭინაძე
დეპუტატები, პოლიტიკოსები და პოლიტიკური ჯგუფები:
გიორგი მარგველაშვილი
ხატია დეკანოიძე
რომან გოცირიძე
თეონა აქუბარდია
თამუნა კორძაია
ხათუნა სამნიძე
არმაზ ახვლედიანი
გიგი უგულავა
