ნიდერლანდების პრემიერ-მინისტრისა და NATO-ს მომავალი გენერალური მდივნის, მარკ რუტეს განცხადებით, ევროკავშირში იმედოვნებენ, რომ საქართველო დაუბრუნდება ევროპულ გზას და ელოდებიან საქართველოს მთავრობის შემდეგ ნაბიჯებს, – ამის შესახებ მან დღეს, 27 ივნისს, ბრიუსელში ევროპული საბჭოს სამიტის დაწყებამდე განაცხადა.
„შეიძლება მოკლედ განვიხილოთ [საქართველოს საკითხი], მაგრამ ჩვენ, რა თქმა უნდა, ვღელავთ ევროკავშირზე, ვღელავ საქართველოს გზაზე ევროკავშირისკენ ბოლოდროინდელი გადაწყვეტილებების გამო. მოკლედ ვესაუბრე [საქართველოს] პრეზიდენტს. ვფიქრობ, ის დიდი ლიდერია, მაგრამ ის წარუმატებელი აღმოჩნდა, სამწუხაროდ პარლამენტმა ვეტო დაძლია.
ჩვენ, რა თქმა უნდა, ველით მას [საქართველოს} და ვიმედოვნებთ, რომ საქართველო დაბრუნდება ევროკავშირის გზაზე, თუმცა NATO-სთან დაკავშირებით, მხოლოდ იმას ვიტყვი, რომ ვამაყობ ვიყო არჩეული [გენერალურ მდივნად], მაგრამ არ გავაკეთებ NATO-სთან დაკავშირებით კომენტარს პირველ ოქტომბრამდე“, – განაცხადა რუტემ (ნათარგმნია IPN-დან)
