თბილისის სააპელაციო სასამართლომ ნარკოდანაშაულში მსჯავრდებული ანტონ ჩეჩინის 8.5-წლიანი სასჯელი ძალაში დატოვა. გადაწყვეტილება სააპელაციო პალატამ ნინო ჩახნაშვილის, გიორგი კერატიშვილისა და პაატა სილაგაძის შემადგენლობით დღეს, 27 აპრილს, გამოაცხადა.
ჩეჩინმა საბოლოო სიტყვით არ ისარგებლა. ის არც განაჩენის გამოცხადებას დაესწრო.
პირველ ინსტანციაში ანტონ ჩეჩინის განაჩენი მოსამართლე ჯვებე ნაჭყებიამ გამოიტანა.
ჩეჩინი მსჯავრდებულია განსაკუთრებით დიდი ოდენობით ნარკოტიკის ფლობაში. ის ბრალს არ აღიარებს და ამბობს, რომ ნარკოტიკი აქციებში მონაწილეობის გამო ჩაუდეს. ის 2024 წელს მიმდინარე აქციების დროს, 3 დეკემბერს დააკავეს.
