მერიასთან სოლიდარობის ბანერების გადმოფენისთვის აქტივისტი 200 ლარით დააჯარიმეს - წიქარიშვილი

მერიის მიმდებარე ტერიტორიაზე აფრიკის დასახლების სოლიდარობის ბანერების გადმოფენისთვის აქტივისტი გიორგი ღვინჯილია 200 ლარით დააჯარიმეს, – ამის შესახებ „პუბლიკას” ბექა წიქარიშვილმა განუცხადა.

„გიორგი ღვინჯილიას დაუწერეს. გიორგიმ თქვა, რომ მე გადმოვფინეო. 3 ბანერი იყო, აფრიკის დასახლების ამბავზე სოლიდარობას ვუცხადებდით მოსახლეობას”, – ამბობს წიქარიშვილი.

„პუბლიკას” მუნიციპალურ ინსპექციაში განუცხადეს, რომ ღვინჯილია ადმინისტრაციულ სამართალდარღვევათა კოდექსის 150² მუხლის საფუძველზე დააჯარიმეს, რაც ქალაქ თბილისის მუნიციპალიტეტის იერსახის დამახინჯებას ითვალისწინებს.

„სოლიდარობა აფრიკის დასახლებას”, „ხალხი მართალს ამბობს”, „სახლი ყველას” – ამ წარწერებით 3 ბანერი აქტივისტებმა თბილისის მერიის მოპირდაპირე კორპუსიდან (გოთუას ქუჩის მხრიდან) გადმოფინეს.

ასევე იხილეთ

„სოლიდარობა აფრიკის დასახლებას”, „სახლი ყველას” – აქტივისტებმა კორპუსიდან ბანერები გადმოფინეს

16 დეკემბერი, 2020