ევროპარლამენტარი ანდრიუს კუბილიუსი დავით გარეჯის საქმეზე კარტოგრაფების დაკავების ფაქტს ტვიტერში ეხმაურება და წერს, რომ „ქართული ოცნება” ამ საკითხით რეალური პრობლემებიდან ცდილობს ყურადღების გადატანას.
„საქართველოს მთავრობამ დააპატიმრა ორი საჯარო მოხელე „აზერბაიჯანისთვის ტერიტორიის უკანონოდ გადაცემისთვის“. შენიშვნა: გამოძიება ეხება 2007 წლის პერიოდს. სასაცილოა. „ქართული ოცნება“ პოლიტიკურ ოპოზიციას ადანაშაულებს, რათა რეალური პრობლემებისგან – პანდემიის მიმართ სუსტი რეაგირება და ეკონომიკის შეჩერება – გადაიტანოს ყურადღება“, – წერს კუბილიუსი.
Georgian authorities arrested 2 civil servants for “illegal land transfer to Azerbaijan”. Note – events in question took place back in 2007. Funny. Georgian Dream blames political opposition to divert attention from real problems – poor pandemic response & stalling economy.
— Andrius Kubilius (@KubiliusA) October 13, 2020
დავით გარეჯის საკითხზე სადელიმიტიაციო კომისიის ყოფილი წევრები ივერი მელაშვილი და ნატალია ილიჩოვა პროკურატურამ საქართველოს საწინააღმდეგო მოქმედებების ბრალდებით 7 ოქტომბერს დააკავა. მათ აღკვეთი ღონისძიების სახით წინასწარი პატიმრობა აქვთ შეფარდებული. ივერი მელაშვილი და ნატალია ილიჩოვა ბრალს არ აღიარებენ.
პროკურატურის განცხადებით, ბრალდებულებმა რუკის ალბომებში სახელმწიფო საზღვრის გავლებისას განზრახ გამოიყენეს ისეთი კარტოგრაფიული მასალა, რომელიც ისტორიულად და სამართლებრივად არ ემყარებოდა და არ ასახავდა სახელმწიფოს რეალურ პოზიციას მის კუთვნილ ტერიტორიებთან დაკავშირებით.
