“როცა ავტომობილს მართავს მძღოლი და ხშირად ავტომობილს ჰყავს ერთი მძღოლი, ანუ წინ ზის სწორედ მძღოლი. როცა ავტომობილში შესაძლოა არა ოჯახის წევრი იყოს ეს მგზავრი, შეიძლება, დღეში რამდენჯერმე იცვლებოდეს, მაგალითად ტაქსიში - შეუძლია გაუჩეროს თანასოფლელს, თანამოქალაქეს, მეზობელს და ა.შ. მაგრამ უკან თუ ზის ცოლ-ქმარი, მაშინ მათ გადამოწმებაც არ სჭირდებათ, რადგან დისტანცია მძღოლთან უკვე დაცულია და მის გვერდში სიახლოვეს ის არ ზის. ამიტომ ქორწინების მოწმობის შემოწმება ამ შემთხვევაში საჭირო არაა. ამიტომ ამაზე საუბარი სპეკულაციაა.“

“ცისარტყელის ფერები „ლგბტ“-მ რატომ უნდა მიითვისოს, გამაგებინეთ რა. რას ნიშნავს „ლგბტ ფერები“ კაცო? ცისარტყელის ფერებია და ცისარტყელა გამოუჩინა ღმერთმა ნოეს მშვიდობის ნიშნად. მშვიდობის ნიშანია ცისარტყელა. მე პირადად ცისარტყელას ვერავის ვერ ვაჩუქებ, ცისარტყელა არის ჩემი“

“"არ მგონია აშშ-ში დედაქალაქის ბიუჯეტის 10 % რომ გაფლანგოს მერმა, შემდეგ პოლიტპატიმრის სტატუსი მიიღოს და პოლიტიკაში დაბრუნდეს, ან კაპიტოლიუმზე რომ მიიტანოს ადამიანების ჯგუფმა ძალადობრივი შეტევა, შემდეგ ეს ადამიანები პოლიტპატიმრებად გამოაცხადონ. ასეთ დანაშაულზე ნებისმიერ დემოკრატიულ ქვეყანაში იქნებოდა სამართლებრივი რეაგირება და მათ მისცემდნენ პასუხისგებაში. აშშ-ში ჩვენი შემდგომი ვიზიტის ფარგლებში, ან როდესაც ის ჩამოვა საქართველოში, ჩვენ აუცილებლად გვექნება მეგობრული დისკუსია ამ საკითხებზე. უდავოა, რომ სენატორი საქართველოს მეგობარია და მზად ვართ, ჩვენი არგუმენტები ვუთხრათ““

“მსოფლიო განიცდის იმას, რაც ხდება მსოფლიოში. მე მატყობინებენ, რომ ზოგიერთ ქვეყანაში დაკეტილია ტაძრები, დაკეტილია მონასტრები და ხალხი იძულებულია წავიდეს სოფლებში და იქ ილოცოს, იქ დაესწროს წირვას. ჩვენ თავისუფლად ვართ აქა - დიდება უფალს და მადლობა უფალს. თქვენ როგორ ფიქრობთ, ეს [კორონავირუსი] სასჯელია თუ გაფრთხილება? ეს არის გაფრთხილება. ეს არის მოქცევა და ჩვენ ვმადლობთ უფალს, რომ უფალი განიცდის ჩვენთან ერთად“

“"ჩემი მამაო ქე რო მასეთი არაა, სწორედ მაგ მამაოებს ვეკითხები: თუ ქრისტეზე, ეკლესიაზე, საქართველოზე, გაბატონებულისაგან განსხვავებული შეხედულებები გაქვთ რატომ ხმამაღლა არ იტყვით? თუ მეუფე იობი საჯაროდ ამბობს მოხუცები და ავადმყოფები უნდა დაიხოცონო, აჭარელი გლეხები უცხოტომელები არიანო. თუ მეუფე საბა საჯაროდ ამბობს კორონას ვაქცინა რომ იქნება არ გაიკეთოთო, თუ უამრავი მღვდელი სიბნელეს ქადაგებს საჯაროდ, ხოლო თქვენ კი ჯანსაღი შეხედულებები გაქვთ, რატომ არ იტყვით საჯაროდ? რისი გეშინიათ: ა) პატრიარქი გაგაგდებთ ეკლესიიდან და შემოსავალს დაკარგავთ თუ ბ) თვითონ თქვენივე მრევლი გცემთ"?“

“„გირჩი" უკვე იმდენჯერ „მიიშმაქსა" ამ ერთი წლის განმავლობაში, რომ მათ ადგილზე ალბათ თვითლიკვიდაციას გამოვაცხადებდი. „შმირჩი" გახდა „გირჩი", „მიშმაქსვა" საკუთარი თავის მოსწონთ - ეს არის მათი სტილი ბოლო დროს“

“ძალიან ძნელია „რესპუბლიკელების“ დღევანდელ პოზიციას მოუძებნო რაიმე ტიპის სახელი. ერთი კი ფაქტია, რომ ბატონ ლევან ბერძენიშვილს - ყველა იცნობს, მეც ვიცნობ, შეიძლება, ისე კარგად არა, როგორც ჩემი სხვა თანამებრძოლი, მაგრამ ვიცნობთ ყველა მას და - არ შემეშლება თუ ვიტყვი, რომ ის არ არის ადამიანი, რომელსაც ყველაფერზე თავისი აზრი არ აქვს. პირიქით, ეს არის ადამიანი, რომელსაც თავისი მწვავე და კრიტიკული აზრი აქვს ყველაფერზე - ილია მეორეზე, ეკლესიაზე... თუ უფრო განვიტვირთებით და ვიხუმრებთ, იმასაც ვიტყვი, რომ მიუშვა, ალბათ წმინდა ნინოსაც გააკრიტიკებს და არგუმენტებსაც მოძებნის ამისთვის. მაგრამ ის, ვისაც დღეს ვერ გააკრიტიკებს და არ აკრიტიკებს არის მიშა სააკაშვილი. რა სახელი უნდა დაერქვას ამას, მე ნუ მომთხოვთ ამ ეპითეტის ქართულ ენაში მოძებნას. ფაქტია, რომ ეს მძიმე სანახავია“

“ტყუილად არ ვუწოდე სოზარ სუბარს ნაძირალა, ვნანობ რომ არ გავრიცხე სასულიერო აკადემიიდან, ეს უცოდინარი დემაგოგი. პანდემიის დროს ისევ თავის კარიერას იკეთებს ხალხის სიცოცხლის ხარჯზე და მკვლელ ეკლესიას აქებს. სახალხო დამცველ ნინო ლომჯარიას ესხმის თავს, რადგან ნინომ დაწერა რომ ქრისტე ასფიქსიით გარდაიცვალა და ახლა კორონათი დაავადებულები რეანიმაციაში იგუდებიან, ამიტომ არ უნდა გავიმეტოთ ადამიანებიო. ეს არამზადა სოზარი უპირისპირდება რათა ეკლესიას ასიამოვნოს და ამბობს, ეგ იუდა მოკვდა ასფიქსიით და არა ქრისტე, ჯერ სახარება წაიკითხოს სახალხო დამცველმაო. სინამდვილეში გათახსირებულ სოზარს სახარება თვითონ არ აქვს წაკითხული. ჯვარცმული ქრისტე სწორედ ასფიქსიით მოკვდა, ჯვარზე გაკრული ის ნელ ნელა იხუთებოდა, რადგან მკერდის ძვლები აწვებოდნენ მის ფილტვებს და გულს და რამდენიმე საათის შემდეგ საბოლოოდ დაიხუთა. დღეს კი სოზარ სუბარი საკუთარი კარიერისათვის ყიდის ადამიანების სიცოცხლეს და ყიდის ჯვარცმულ ქრისტეს.“

“ზოგადად, მეცნიერებაში და მედიცინაში მნიშვნელოვანი არის, რომ აუცილებლად მტკიცებულებებზე დაყრდნობილი უნდა იყოს ეს ყველაფერი. ამაზე სამეცნიერო კვლევები არ არსებობს, შესაბამისად, ამის შესახებ მტკიცებულებით პასუხს ვერ გაგცემთ... ამისთვის საჭირო არის მეცნიერული კვლევა, თუ ჩვენ ამ კვლევას ჩავატარებთ, შესაბამისად, შეგვეძლება მერე გაგცეთ ამაზე პასუხი.“

“ეს არის სასწაული. მართლმადიდებელ ეკლესიებს შორის ერთადერთი საქართველოს ეკლესიაა, რომელიც მოაქცია ქალმა. წმინდა ნინო არის შუამავალი ღმერთსა და ქართველ ხალხს შორის“

“სამი მოწვევა პარლამენტის წევრი ვარ და მე ვფიქრობ, რომ 12 წელი საკმარისია იმისთვის, თუ რაიმეს თქმა გინდა კაცს, უნდა თქვა. რაც შეეხება დატოვებას, ეს შეუთავსებელია იმ პოზიციასთან, რასაც ჰქვია ტექნიკური უნივერსიტეტის კანცლერის პოზიცია და აქედან გამომდინარე, რადგან მე უნივერსიტეტმა ამირჩია უკვე თანამდებობაზე, შეუთავსებლობიდან გამომდინარე მე უნდა დავტოვო პარლამენტის წევრის მანდატი... ეს უნივერსიტეტი არის ჩემი მშობლიური უნივერსიტეტი, თავის დროზე ეს უნივერსიტეტი დავამთავრე, ამ უნივერსიტეტში დავიცავი სადოქტორო დისერტაცია, ამ უნივერსიტეტში ვეწეოდი ამდენ ხანს პედაგოგიურ საქმიანობას და როდესაც შემოთავაზება იყო, დიდი სიამოვნებით დავთანხმდი, რამეთუ შეიძლება რაღაც ვარგო ჩემს მშობლიურ უნივერსიტეტს.“

“სალობიეშიც ვივლი და სხვა თავშეყრის ადგილებშიც ძალიან თავისუფლად. ფეხით სიარულს გავაგრძელებ და ვიქნები ჩემ ხალხთან ერთად, სადაც საჭიროა და როგორც საჭიროა“