პრეზიდენტმა საქართველოს ეროვნული ბანკის საბჭოს წევრის თანამდებობაზე ეკონომიკის ყოფილი მინისტრის, ნათია თურნავას კანდიდატურა წარადგინა.
სალომე ზურაბიშვილმა შესაბამისი წარდგინებით საქართველოს პარლამენტს მიმართა.
„წამყვანი კომიტეტი იქნება პარლამენტის საფინანსო-საბიუჯეტო კომიტეტი და სავალდებულო დასკვნა უნდა წარმოადგინოს დარგობრივი ეკონომიკის და ეკონომიკური პოლიტიკის კომიტეტმა”, – განაცხადა გია ვოლსკიმ, რომელიც ბიუროს სხდომას ხელმძღვანელობდა.
თურნავამ მინისტრთა კაბინეტში თანამდებობა 2022 წლის 9 თებერვალს დატოვა.
