აჭარის საზოგადოებრივი ჯანდაცვის ცენტრის ხელმძღვანელის, რუსუდან შავიშვილის განცხადებით, აჭარაში გასული დღე-ღამის განმავლობაში 2500-ზე მეტი ტესტი ჩატარდა, მათგან დადასტურდა 108 ახალი შემთხვევა. რაც შეეხება ინფიცირებულთა კლასტერებს, შავიშვილის თქმით, ვირუსის ფართო გავრცელების გამო, ცალკეულ კლასტერებს აღარ გამოყოფენ.
„ჰოსპიტალურ ქსელში ამ დროისთვის არის 238 პაციენტი, საკარანტინო კოვიდსივრცეში გადაყვანილია 97 უსიმპტომო პირი.
რაც შეეხება კლასტერებს, კლასტერული ხედვა აღარ არის, რადგან არის გავრცელება და აღარ იქნება ჩანიშნული ასე, საზოგადოების ყველა ფენაშია გასული გავრცელება“, – თქვა შავიშვილმა.
დღეს საქართველოში კორონავირუსის 165 ახალი შემთხვევა გამოვლინდა და ინფიცირების შემთხვევათა რაოდენობა 2 392 გახდა.
