საქართველოში 17 სექტემბერს კორონავირუსის 179 ახალი შემთხვევა გამოვლინდა. თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, მათგან:
- აჭარა – 126;
- იმერეთი – 16;
- თბილისი – 15;
- სამეგრელო-ზემო სვანეთი – 7;
- მცხეთა-მთიანეთი – 7;
- გურია – 4;
- კახეთი – 4.
„გამოჯანმრთელებულების რაოდენობა გაიზარდა მხოლოდ 10-ით. იყო 1 412 და გახდა 1 422. ამ მონაცემებით, კოვიდცენტრებსა და ჰოსპიტლის შემდეგ სასტუმროებში რაოდენობა გახლავთ 1 488 პაციენტი. მათგან 9 კრიტიკულად მძიმე პაციენტია. მძიმე პაციენტების სია 60-70-ს შორის მერყეობს“, – განაცხადა ეზუგბაიამ.
ინფექციურის კლინიკურმა დირექტორმა განმარტა, რომ PCR ტესტების რაოდენობა 16 აგვისტოს შემდეგ მზარდია. 16 სექტემბრის მონაცემებით, ჩატარებულია დღეში 11 125 ტესტი.
