საქართველოში გასული 24 საათის განმავლობაში კორონავირუსის 780 ახალი შემთხვევა გამოვლინდა. გამოჯანმრთელდა 1608 მოქალაქე, 17 კი გარდაიცვალა.
საკოორდინაციო საბჭოს ინფორმაციით, ბოლო 24 საათში ქვეყნის მასშტაბით ჩატარდა 9 083 კვლევა ტესტით, მათ შორის 4 796 კვლევა ანტიგენის ტესტით და 4 287 PCR ტესტით.
სულ, დღემდე Covid-19-ის 247 805 შემთხვევაა გამოვლენილი, მათგან 232 993 მოქალაქე უკვე გამოჯანმრთელდა. პანდემიის გავრცელებიდან დღემდე ვირუსს ჯამში 2 933 ადამიანი ემსხვერპლა.
ამ ეტაპზე ინფიცირების მიმდინარე აქტიური შემთხვევა 11 853-ია, საიდანაც: 3 659 ადამიანი მკურნალობს საავადმყოფოში და მათგან ხელოვნური სუნთქვის აპარატზე იმყოფება 231 პირი. 649 ადამიანი მოთავსებულია კლინიკურ-სასტუმროებში, 7 545 მოქალაქე კი ვირუსის მკურნალობის კურსს საცხოვრებელ ბინაზე გადის.
საკარანტინე სივრცეებში მოთავსებულია 472 ადამიანი, ხოლო თვითიზოლაციაში იმყოფება 23 316 მოქალაქე.
