ევროპარლამენტართა ჯგუფი ძალადობრივი დაჯგუფების, ალტ-ინფოსა და მისი ლიდერის, კონსტანტინე მორგოშიას სანქცირებას ითხოვს. შესაბამისი წერილით მათ ევროკომისიისა და ევროპული საბჭოს პრეზიდენტებს, საქართველოში ევროკავშირის ელჩსა და თანასწორობის საკითხებში ევროკომისარს მიმართეს.
🇪🇺🇬🇪🏳️🌈 We strongly condemn the LGBTIQphobic attacks on @TbilisiPride and participants of the Tblisi Pride in #Georgia.
🕊 The attacks violate the #freedom of assembly and expression of the Georgian LGBTIQ community.
👇 Our Co-Chairs and VPs signed a letter. pic.twitter.com/q4LldsuN5Y
— LGBTI Intergroup (@LGBTIintergroup) July 19, 2023
„მტკიცედ მოგიწოდებთ , მიიღოთ ყველა საჭირო ნაბიჯი თბილისში LGBTIQ – ჰომოფობიურ თავდასხმების უმაღლესი ხარისხით დასაგმობად. ჩვენ მტკიცედ მოვუწოდებთ მიზანმიმართული სანქციებისკენ ალტ-ინფოს ჯგუფისა და მის მიღმა მყოფი ოლიგარქის, კონსტანტინე მორგოშიას მიმართ.“ – ვკითხულობთ ევროპარლამენტარების წერილში.
ევროპარლამენტარების განცხადებით, საქართველოს ხელისუფლების და უწყებების მარცხმა დაეცვათ თბილისი პრაიდის მონაწილეთა უსაფრთხოება ორგანიზატორების სიცოცხლეს და ჯანმრთელობას საფრთხე შეუქმნა.
განცხადებას ხელს აწერენ ევროპარლამენტარები: მარკ ანგელი, კიმ ვან სპარენტაკი, მარია ვალში, პიერ კარლესკინდი, მალინ ბიორკი და ფაბიო მასიმო კასტალდო.
