ევროპარლამენტარი ვიოლა ფონ კრამონი მიხეილ სააკაშვილის ამჟამინდელი მდგომარეობის ამსახველ კადრებს ეხმაურება. ის მიხელ სააკაშვილთან ერთად გადაღებულ ფოტოს Twitter-ზე აქვეყნებს.
„ბოლოს, როცა შევხვდი მიხეილ სააკაშვილს, ის ჯანმრთელი კაცი იყო. ასე გამოიყურება ის დღეს, ერთ წელზე ცოტა მეტი ხნის განმავლობაში საქართველოს ციხეში. ყველა პატიმრის კეთილდღეობა, მათ შორის სააკაშვილის, მთავრობის პასუხისმგებლობაა“, – წერს ვიოლა ფონ კრამონი.
დღეს სასჯელის გადავადებასთან დაკავშირებით მიმდინარე პროცესზე მსჯავრდადებული ექსპრეზიდენტი მიხეილ სააკაშვილი დისტანციურად ჩართეს, თუმცა ამ დროისთვის ჯანმრთელობისა და ტექნიკური ხარვეზის მიზეზით, ის სხდომაში მონაწილეობას აღარ იღებს.
🇬🇪 Last time I met Mikheil #Saakashvili he was a healthy man. This is how he looks today a bit over a year in a Georgian prison. The well-being of every prisoner including Saakashvili is a responsibility of the Government of #Georgia. pic.twitter.com/XY6fbhnfNy
— Viola von Cramon 🇺🇦🇪🇺 (@ViolavonCramon) December 22, 2022
