„აიღეთ პოლიტიკური პასუხისმგებლობა!“ – მთაწმინდის პარკის მიმდებარე ტეტიტორიაზე მედიის წარმომადგენლები და აქტივისტები საპროტესტო პლაკატებით ხვდებიან „ქართული ოცნების“ წევრებსა და მხარდამჭერებს. ჟურნალისტები 5 ივლისს განვითარებულ მოვლენებს აპროტესტებენ, ითხოვენ დამნაშავეების დასჯასა და მთავრობის მიერ პოლიტიკური პასუხისმგებლობის აღებას.
მთაწმინდის პარკში „ქართული ოცნება“ დედაქალაქის მერობის კანდიდატს 20:00 საათზე წარადგენს. „პუბლიკის“ კორესპონდენტის ცნობით, პარკის ტერიტორიაზე შესვლის შესაძლებლობა ჟურნალისტებს არ აძლევენ.
