საკეისრო კვეთის შემდეგ პირველ საუნივერსიტეტო კლინიკაში კოვიდინფიცირებული ქალი გარდაიცვალა. ამის შესახებ ჟურნალისტებს პირველი საუნივერსიტეტო კლინიკის დირექტორმა, ლევან რატიანმა განუცხადა.
მისი თქმით, დედას კლინიკაში შესვლისას ჰქონდა კორონავირუსისგან გამოწვეული გართულება, ფილტვების 22-ქულიანი პნევმონია, მწვავე რესპირატორული დისტრესი და გულსისძარღვთა სისტემის მწვავე უკმარისობა. რატიანის განცხადებით, პაციენტი კლინიკაში შევიდა დაგვიანებით.
„დედის მდგომარეობა შემოსვლის დღიდან იყო კრიტიკული, რადგან დადასტურებული იყო 22-ქულიანი პნევმონია, მწვავე რესპირატორული დისტრესი, გულსისხლძარღვთა სისტემის მწვავე უკმარისობა და სამწუხაროდ, მიუხედავად პროტოკოლით გათვალისწინებული მკურნალობისა, 30 წლამდე გოგონა გარდაიცვალა“, – განაცხადა ლევან რატიანმა.
ლევან რატიანის განცხადებით, ბავშვის მდგომარეობა სტაბილურია და მას კორონავირუსი არ დადასტურებია.
