თბილისში კაცი დაჭრეს, გამოძიება განზრახ მკვლელობის მცდელობის მუხლით დაიწყო

პუბლიკა

დღეს თბილისში, ფიროსმანის ქუჩაზე კაცი ცეცხლსასროლი იარაღით დაჭრეს. ის კლინიკაშია გადაყვანილი. თავდამსხმელებმა, სვარაუდოდ, სამჯერ გაისროლეს.

თვითმხილველთა თქმით, სავარაუდოდ, ავტომობილი, რომელშიც თავდამსხმელი იჯდა, იქვე ავტობუსს დაეჯახა და გაიქცა.

ადგილზე ექპერტ-კრიმინალისტები მუშაობდნენ, ამოღებულია რამდენიმე მასრა.

როგორც „პუბლიკას“ შინაგან საქმეთა სამინისტროში უთხრეს, გამოძიება სისხლის სამართლის კოდექსის 19-108-ე და 236-ე მუხლებით დაიწყო, რაც განზრახ მკვლელობის მცდელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.