აშშ-ის პრეზიდენტი დონალდ ტრამპი კორონავირუსის პანდემიის გამო ქვეყანაში ყველა ტიპის იმიგრაციის დროებით შეჩერებას გეგმავს. ამის შესახებ ტრამპმა „ტვიტერზე“ დაწერა.
„უხილავი მტრის შემოტევის, ასევე, დიადი ამერიკელების სამუშაო ადგილების დაცვის საჭიროების ფონზე, ხელს მოვაწერ აღმასრულებელ ბრძანებას იმიგრაციის დროებით შესაწყვეტად შეერთებულ შტატებში“, – წერს აშშ-ის პრეზიდენტი.
In light of the attack from the Invisible Enemy, as well as the need to protect the jobs of our GREAT American Citizens, I will be signing an Executive Order to temporarily suspend immigration into the United States!
— Donald J. Trump (@realDonaldTrump) April 21, 2020
ტრამპი არ აკონკრეტებს, კონკრეტულად რა მექანიზმს გამოიყენებს იმიგრაციის პროცესის შესაჩერებლად. CNN აღნიშნავს, რომ აშშ-ში კორონავირუსის გამო იმიგრაციის პროცესი შტატებში ისედაც მკვეთრად შეზღუდულია.
აშშ-ში კორონავირუსის 792 938 დადასტურებული შემთხვევაა. გარდაიცვალა 42 518, ხოლო გამოჯანმრთელდა 72 389 ადამიანი.
