„ქართული ოცნების” წევრი, მამუკა მდინარაძე აცხადებს, რომ 20 იანვრის შემდეგ საქართველოს აშშ-სადმი პოზიციონირება დამოკიდებული იქნება იმაზე, თუ რამდენად შეასრულებს დონალდ ტრამპი დაპირებებს, კერძოდ, „ამოძირკვავს” თუ არა „deep state”-ს.
„ჩვენ არც უიმედოდ უნდა ვიყოთ და არც ზედმეტი იმედები უნდა დავამყაროთ 20 იანვრის შემდეგ პერიოდზე და რატომ? ტრამპის ორი მთავარი დაპირება გახსოვთ ხომ, სუბიექტურად რომ ვთქვათ, ორივე დაპირების შინაარსი საქართველოს აწყობს, ერთი – ომის დამთავრება, სადაც ბუნებრივად ქრება საქართველოს მეორე ფრონტად ქცევის ინტერესი და მეორე, deep state-ის დამარცხება
[…] დამოკიდებული იქნება ჩვენი ქვეყნის პოზიციონირება 20 იანვრის შემდეგ იმ მოვლენებზე, თუ რამდენად შეძლებს ბატონი დონალდ ტრამპი თავისი დაპირებების შესრულებას. პირველი, რამდენად შეძლებს ის გავლენა მოახდინოს იმაზე, რომ დასრულდეს ომი და მეორე, როგორ დაამარცხებს ის ამ არაფორმალურ გავლენებს აშშ-ის ბიუროკრატიაში, რა შემთხვევაშიც, ბუნებრივად გვაწყობს ჩვენ. თუ ის მთლიანად შეძლებს ამოძირკვოს და დაამარცხოს, შესაბამისად, ჩვენზე წნეხი ნებისმიერი მიმართულებით იხსნება, მაგრამ თუ სამწუხაროდ, ეს ვერ მოხდა, მაშინ, ეს ტურბულენტობა გაგრძელდება.
აქ პიროვნებაზე კი არ არის დამოკიდებული და ვიღაცას მოსწონს ტრამპი, არ მოსწონს, მას მოვწონვართ ჩვენ, არ მოვწონვართ, ამაზე კი არ არის დამოკიდებული, რამდენად ის შეძლებს თავისი იმ დაპირების შესრულებას, რომ მან deep state, შესაბამისი არაფორმალური გავლენები ამოძირკვოს, ამ შემთხვევაში, საქართველოსთან დამოკიდებულება აბსოლუტურად შეიცვლება, მაგრამ თუ ეს გართულდა, რაც უფრო გართულდება, რაც უფრო ვერ შესრულდება ეს პირობა, მით უფრო, რთულად გვექნება ჩვენ ბევრი რაღაც გადასატანი”, – აცხადებს მამუკა მდინარაძე.
მანამდე „ქართული ოცნების” ლიდერები საუბრობდნენ, რომ ტრამპის ადმინისტრაციასთან დაკავშირებით „ოპტიმისტურად” არიან განწყობილი. ირაკლი კობახიძე აცხადებდა, რომ „20 იანვრის ეშინია მთლიანად რადიკალურ ოპოზიციას, ჩვენ პირიქით, ოპტიმისტურად ვართ განწყობილი”.
