საზოგადოებრივი მაუწყებლის სამეურვეო საბჭოს 3 წევრის შესარჩევად გამოცხადებულ კონკურსში 10 კანდიდატი მონაწილეობს. 10 კანდიდატიდან უნდა შეირჩეს 3 ადამიანი, რომლებიც ბორდში ნინია კაკაბაძეს, ქეთი მსხილაძეს და გია იაკობაშვილს ჩაანაცვლებენ.
სამეურვეო საბჭოს წევრობის მსურველებია: ზაზა აბაშიძე, თამარ ამაშუკელი, ნათია კაპანაძე, გრიგოლ [გია] მურღულია, ბონდო მძინარაშვილი, ოთარ შაორშაძე, დოდო შონავა, კონსტანტინე ჩლაიძე, ნინო ჭალაგანიძე, ზაურ ხალილოვი.
საზოგადოებრივი მაუწყებლის საბჭო 9 წევრისგან შედგება. საქართველოს პარლამენტი დადგენილი წესით ირჩევს ორ მეურვეს სახალხო დამცველის წარდგინებით; სამს – საპარლამენტო უმრავლესობის წარდგინებით, სამს – საპარლამენტო უმრავლესობის გარეთ დარჩენილი პარლამენტის წევრთა არანაკლებ ერთი მეოთხედის წარდგინებით; ხოლო ერთს – აჭარის ავტონომიური რესპუბლიკის უმაღლესი საბჭოს წარდგინებით.
ამჯერად ასარჩევია უმრავლესობის კვოტით დასახლებული ერთი კანდიდატი და ორი საპარლამენტო უმრავლესობის გარეთ დარჩენილი პარლამენტის წევრების მიერ.
![ჰერჩინსკი: [მოვლენების] გაუარესების შემთხვევაში შეგვიძლია, გამოვიყენოთ ჩვენი ბერკეტები](https://publika.ge/app/uploads/2023/11/publika.ge-1-6-1024x576.jpg)