„დაავადებათა კონტროლის ეროვნული ცენტრის“ ხელმძღვანელის, ამირან გამყრელიძის ინფორმაციით, მომზადებულია მთავრობის დადგენილება, რომელიც, სავარაუდოდ, ორ დღეში შევა ძალაში და განსაზღვრავს ინფიცირებულთან კონტაქტში მყოფი ადამიანების ქცევის პროტოკოლს.
„ინფიცირებულებთან კონტაქტირებული ადამიანები, ახლო კონტაქტები – საოჯახო და სამსახურებრივი – ყოველგვარი ტესტირების გარეშე პირდაპირ უნდა გადავიდნენ თვითიზოლაციაში, ვისაც ამის საშუალება არ აქვთ –კარანტინში.
თუ უსიმპტომოები არიან, 12 დღის განმავლობაში ტესტირება არ უტარდებათ. მე-12 დღეს თავისუფლები არიან. თუ მოხდა კიდეც ინფიცირება ან ჰქონდათ უსიმპტომო ვირუსი, ისინი გადამდები აღარ არიან.
თუ 12 დღის განმავლობაში მცირე სიმპტომები გამოუვლინდებათ, უკავშირდებიან ექიმს და ექიმი წყვეტს ტესტირების მიზნობრიობას“, – განაცხადა ამირან გამყრელიძემ.
