ბოჭორიშვილის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, კლინიკაში 4 ახალი პაციენტი შეიყვანეს, ოთხივე კორონავირუსის დადასტურებული დიაგნოზით გუშინ გადმოიყვანეს და მათი კლასტერი არის ბოლნისი.
„აქედან ერთია 80 წელზე უფრო ასაკის. ერთია 18 წლამდე, ორია სხვა ასაკობრივი, არა რისკის ჯგუფიდან“, – ამბობს ის.
სოლოღაშვილის განმარტებით, გუშინ კლინიკაში შეყვანილი 2 პაციენტიც ბოლნისიდან იყო.
მისივე თქმით, კლინიკაში 3 საყურადღებო პაციენტია და ერთი მძიმე. დანარჩენი პაციენტების მდგომარეობა დამაკმაყოფიებელია.
რაც შეეხება ინფექციურ საავადმყოფოს, მარინა ეზუგბაიას თქმით, მათ კლინიკაში ბოლო 24 საათის განმავლობაში 4 ახალი პაციენტი შევიდა. მათგან სამი დაკავშირებულია ბოლნისთან, ერთის წყარო კი უცნობია.
საქართველოში კორონავირუსის დადასტურებული შემთხვევები 456 გახდა.
- მათ შორის გამოჯანმრთელებულია – 132;
- გარდაცვლილია – 5;
- კარანტინის რეჟიმში – 4 949;
- სტაციონარში მეთვალყურეობის ქვეშ – 555;
- *უცხოეთიდან სამკურნალოდ გადმოყვანილი საქართველოს მოქალაქეები – 3;
