რამდენიმე წუთის წინ დასრულდა საფეხბურთო მატჩი იტალიაში, ნაპოლისა და უდინეზეს შორის. ანგარიშით 1:1.
შედეგად ნაპოლი ოფიციალურად იტალიის ჩემპიონი გახდა.
საქართველოს ნაკრების ფეხბურთელი ხვიჩა კვარაცხელია სერია ა-ს ჩემპიონის ტიტულს იტალიაში გადასვლის პირველივე სეზონში დაეუფლა.
ქართველმა ვარსკვლავმა გულშემატკივარს თავი სეზონის დასაწყისშივე დაამახსოვრა. მან სერია ა-ს თუ ჩემპიონთა ლიგის ეგიდით გამართულ მატჩებში გაიბრწყინა და მეტსახელი – კვარადონა – დაიმსახურა.
ამ დროისთვის მის ანგარიშზე იტალიის ჩემპიონატში 10 გოლი და 12 საგოლე გადაცემაა.
