ევროპარლამენტარი ვიოლა ფონ კრამონი ამბობს, რომ მიხეილ სააკაშვილის ჯანმრთელობის მდგომარეობა შემაშფოთებელია. მისი თქმით, სრული პასუხისმგებლობა პატიმრების ჯანმრთელობის მდგომარეობაზე ეკისრება საქართველოს მთავრობას.
„საქართველოს მთავრობა პასუხისმგებელია ყველა თავისი პატიმრის ჯანმრთელობაზე. სააკაშვილის მდგომარეობა უკიდურესად შემაშფოთებელია და საქართველოს ხელისუფლება საფრთხეში აყენებს მის მომავალს ევროკავშირში. მოდი, გადავწყვიტოთ ეს ჰუმანიტარული საკითხი, რათა უფრო დიდ ამოცანებზე გავამახვილოთ ყურადღება“, – წერს ის Twitter-ზე.
Government of #Georgia is responsible for the health of all of its prisoners. The condition of #Saakashvili is extremely concerning & the 🇬🇪government puts its 🇪🇺future at risk.@GovernmentGeo, let's solve this humanitarian issue so we can focus on bigger tasks – #GeorgiaisEurope pic.twitter.com/x7eyltM4u3
— Viola von Cramon 🇺🇦🇪🇺 (@ViolavonCramon) February 2, 2023
1 თევერვალს ევროპარლამენტის პლენარულ სხდომაზე ევროპარლამენტარმა, ანა ფოტიგამ მიხეილ სააკაშვილის ჯანმრთელობის მდგომარეობასთან დაკავშირებით დაუყოვნებლივი დებატები მოითხოვა. მის წინადადებას სხდომაზე მხარი დაუჭირეს.
დებატები გუშნ გაიმართა და ევროპარლამენტარებმა საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის შესახებ ისაუბრეს. მათი თქმით, მთავარი პასუხისგებლობა საქართველოს მთავრობას ეკისრება.
ევროპარლამენტარები მოითხოვენ, საქართველოს მთავრობამ დაუყოვნებლივ მიიღოს ზომები, რათა მიხეილ სააკაშვილის საზღვარგარეთ სამკურნალოდ გადაყვანა გახდეს შესაძლებელი.
