„ჩემი შვილიშვილი მოდიოდა ჩემთან სახლში, ბაზალეთის ქუჩაზე! გამოეკიდა ვიღაც ჩოხოსანი, დააგდო ეზოში, ჩემს ეზოში! ეს რა მხეცობაა, ლუკას და ორ მის მეგობარს აი ასე უაზროდ გამოეკიდა ვიღაც მხეცი”, – წერს რეჟისორი ქეთი დოლიძე ფეისბუქზე.
„ასე იცავთ „ქართველობას”? რა აქვს ამ სიმხეცეს საერთო ღმერთთან ან რწმენასთან, ან ადამიანობასთან??? ამას ვინ მართავს, ის არის ყველაზე დიდი დამნაშავე დღეს!!!” – ამბობს დოლიძე.
დღეს დილიდან ძალადობრივი ჯგუფები რუსთაველზე შეიკრიბნენ და ჟურნალისტების დევნა და მათზე თავდასხმები დაიწყეს. სიძულვილის ჯგუფები თავს დაესხნენ სხვა მოქალაქეებსაც, მათ შორის ბავშვებსაც.
