თეატრების, კინოთეატრებისა და ბავშვთა გასართობი ცენტრების გახსნა ნოემბრამდე გადაიდო

პუბლიკა

უწყებათაშორისი საკოორდინაციო საბჭოს გადაწყვეტილებით, ხვალიდან ახალი შეზღუდვები შედის ძალაში. მთავრობის ადმინისტრაციის უფროსის ნათია მეზვრიშვილის განცხადებით, თეატრები და კინოთეატრები, ასევე ბავშვთა გასართობი ცენტრები 1 ნოემბრიდან  გაიხსნება.

26 აგვისტოს გადაწყვეტილებით, კინოთეატრები 15 სექტემბრიდან, ხოლო თეატრები 1 ოქტომბრიდან უნდა გახსნილიყო.

მთავრობის გადაწყვეტილებით, ასევე ხვალიდან იკრძალება იუბილეები, ქორწილები, ქელეხები და სხვა სარიტუალო/სოციალური ღონისძიებები. შეზღუდვა გავრცელდება ღია სივრცეებზეც. შეიზღუდება 200-ზე მეტი ადამიანის მონაწილეობით კულტურული და სპორტული ღონისძიებები, მათ შორის ღია სივრცეშიც.

„მოქალაქეებს მოვუწოდებთ, მაქსიმალურად დაიცვან წესები, ატარონ პირბადეები, დაიცვან დისტანცია. პირბადეების ტარების წესის შესრულება გახლავთ განსაკუთრებით მნიშვნელოვანი და კონტროლი მოხდება აქტიურად. გამკაცრდება კონტროლი. იმუშავებს როგორც პოლიცია, ასევე შრომის ინსპექციაც“, – განაცხადა ნათია მეზვრიშვილმა.

 

LB loan image desktop LB loan image mobile