უკრაინის თავდაცვის სამინისტროს მთავარი სადაზვერვო სამმართველოს ინფორმაციით, აზერბაიჯანთან დაძაბულობის ფონზე რუსეთი სომხეთში სამხედრო წარმომადგენლობას ზრდის და აჩქარებს სომხეთის ტერიტორიაზე, გიუმრიში მდებარე სამხედრო ბაზის დაკომპლექტებას.
უკრაინის დაზვერვის მთავარი სამმართველო ამბობს, რომ მიზანია სამხრეთ კავკასიის ქვეყნებზე სამხედრო და პოლიტიკური ზეწოლის გაზრდა.
უწყების ცნობით, ბაზის პერსონალის დაკომპლექტება მიმდინარეობს რუსეთის შეიარაღებული ძალების სამხედრო მოსამსახურეებიდან, რომლებიც მსახურობენ როსტოვისა და ვოლგოგრადის რეგიონებში, ასევე დროებით ოკუპირებულ ყირიმში.
„გარდა ამისა, რუსეთი აქტიურად ეძებს მოხალისეებს კავკასიის დამონებული ხალხების წარმომადგენლებს შორის — კერძოდ, ჩრდილოეთ ოსეთსა და ადიღეში“, – ამბობს უწყება.
განცხადებაში აღნიშნულია, რომ უკრაინის სამხედრო დაზვერვა აგრძელებს ყურადღების თვალის დევნებას რუსული ჯარების გადაადგილებისთვის როგორც რუსეთის ტერიტორიაზე, ასევე მის ფარგლებს გარეთ.
