თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, გუშინ გამოჯანმრთელდა 270 პაციენტი, მათი საერთო ჯამია 2324.
ქვეყანაში 3542 კოვიდინფიცირებული მკურნალობს, მათგან 25 კრიტიკულია – 23 მართვით სუნთქვაზე იმყოფება. მართვით სუნთქვაზე მყოფი 7 პაციენტი ოკუპირებული აფხაზეთიდანაა გადმოყვანილი.
ენდელაძის ინფორმაციით, ბოლო 24 საათში გამოვლენილი 314 შემთხვევა რეგიონებში შემდეგნაირად ნაწილდება:
- აჭარა – 225;
- თბილისი – 35;
- იმერეთი -22;
- სამეგრელო-ზემო სვანეთი – 18;
- შიდა ქართლი – 9;
- სამცხე-ჯავახეთი – 3;
- გურია – 1;
- ქვემო ქართლი – 1.
მარინა ენდელაძის ინფორმაციით, 33-ე გარდაცვლილი პაციენტი აჭარაში მკურნალობდა.
„გახლავთ 55 წლის ქალბატონი მძიმე თანმხლები დაავადებებით: შაქრიანი დიაბეტი, თირკმლის და გულის ქრონიკული უკმარისობა, მიოკარდიუმის ინფარქტი, ორმხრივი მწვავე პნევმონია, მისი გამოყვანა ვერ მოხერხდა“, – განაცხადა ენდელაძემ.
