კორონავირუსის პრევენციისთვის ციფრული სოლიდარობის პლატფორმა შეიქმნა

კორონავირუსის გავრცელების პრევენციის მიზნით  ციფრული სოლიდარობის პლატფორმა prevencia.ge შეიქმნა.

პლატფორმაზე მარტივად, ერთ სივრცეში მიიღებთ საქართველოში ონლაინ/დისტანციური სერვისებისა და პროდუქტების შესახებ დეტალურ ინფორმაციას. აგრეთვე გაეცნობით დადასტურებულ ინფორმაციას ყალბი ამბების თაობაზე.

პლატფორმა ერთი იდეის გარშემო გაერთიანებულმა ადამიანებმა 26 საათში შექმნეს. როგორც იდეის ერთ-ერთმა ავტორმა მირიან ჯუღელმა გვითხრა, prevencia.ge-ს ორი მიზანი აქვს: 1) ადამიანებს მიაწოდოს ინფორმაცია დისტანციური სერვისების და პროდუქტების შესახებ, რათა მათ სახლიდან გაუსვლელად ისარგებლონ ამ სერვისებით და პროდუქტებით 2) real-time-ში ებრძოლოს ყალბ ამბებს, რომლებიც აქტიურად ვრცელდება ინტერნეტში.

ვებგვერდზე მსურველს თავად შეუძლია დისტანციური სერვისის დამატება.

შეიქმნა ფეისბუქ ჯგუფი, სადაც ადამიანებს ყალბი ამბების გაზიარება და ამოცნობა შეუძლიათ:

პლატფორმის ავტორებმა ასევე შექმნეს ჩეტბოტი ფეისბუქზე, რომელიც ადამიანებს ინფორმაციის ადვილად მოძიებაში დაეხმარება.
___________________________

ამ დროისთვის საქართველოში კორონავირუსის 25 დადასტურებული შემთხვევაა დაფიქსირებული.

კარანტინის რეჟიმშია – 314, სტაციონარში მეთვალყურეობის ქვეშ კი – 63 მოქალაქე რჩება.