საქართველოს სტატისტიკის ეროვნული სამსახურის წინასწარი შეფასებით, 2024 წლის იანვარში, წინა წლის შესაბამის პერიოდთან შედარებით, რეალური მთლიანი შიდა პროდუქტი (მშპ) 5.8%-ით გაიზარდა.
2022 წლის იანვარში ეკონომიკური ზრდა 11% იყო, 2023 წლის ზრდის წინასწარი შეფასება – 7.5%.
საქსტატის ცნობით, 2024 წლის იანვარში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: მშენებლობა, საფინანსო და სადაზღვევო საქმიანობა, ინფორმაცია და კომუნიკაცია.
კლების ტენდენცია იყო ვაჭრობის, უძრავ ქონებასთან დაკავშირებული საქმიანობებისა და დამამუშავებელი მრეწველობის სექტორებში.
რაც შეეხება საქონლით საგარეო ვაჭრობას – შემცირებულია როგორც იმპორტი, ისე – ექსპორტი.
2024 წლის იანვრის მონაცემებია:
- იმპორტი: 1 002.7 მილიონი აშშ დოლარი
- ექსპორტი: 338.6 მილიონი აშშ დოლარი
2023 წლის იანვრის მონაცემები:
- იმპორტი: 1 114.9 მილიონი აშშ დოლარი
- ექსპორტი: 459.0 ილიონი აშშ დოლარი
დღგ-ის გადამხდელ საწარმოთა ბრუნვის ზრდა წინა წლის შესაბამის თვესთან შედარებით (%)
