ესტონეთის საგარეო საქმეთა მინისტრმა ბრიუსელში სხდომის დაწყებამდე საქართველოზეც ისაუბრა და აღნიშნა, რომ დღეს განხილვის ერთ-ერთი საკითხი იქნება შემდგომი ნაბიჯები საქართველოსთან მიმართებაში.
„რაც შეეხება საქართველოს, ჩვენ შეშფოთებულები ვართ და დღეს გვექნება განხილვა, რას გავაკეთებთ, რადგან ნათელია, რომ მმართველი პარტია არ აპირებს ევროკავშირის გზისკენ სვლას, როგორც ამას ჰპირდებოდნენ. ამიტომ ესეც საინტერესო მსჯელობა იქნება. ჩვენ გვაქვს გარკვეული ნაბიჯები, თუ რას გავაკეთებთ, მაგრამ, რა თქმა უნდა, პირველ რიგში, ნათელი უნდა იყოს, რა იქნება საქართველოში გადადგმული ნაბიჯები, რადგან წესები ასეთია, რომ არჩევნები უნდა იყოს სამართლიანი და თავისუფალი“, – განაცხადა ცაჰკნამ.
